Эш өстәле артында – чәчү турында

Районда авыл хуҗалыгы формированиеләренең язгы кыр эшләрен үткәрү буенча эш планнары тикшерелде.

Киңәшмәдә Татарстан Республикасының үзйөрешле машиналар һәм башка төр техникалар торышын күзәтү буенча Идарәсе җитәкчесе Радик Зыятдинов, Россельхозцентрның районара бүлеге җитәкчесе Илгизәр Галиев, район башлыгы Камил Гилманов катнаштылар. Авыл хуҗалыгы җитәкчеләре һәм агрономнары язгы чәчүне үткәрүгә әзерлек турында бәян иттеләр. Киңәшмәдә катнашучылар чәчү мәйданнары структурасын, орлыклар, минераль ашламалар белән тәэмин ителешне тикшерделәр, үсемлекләрне корткычлардан һәм авырулардан саклауга бәйле планлаштырылган чараларга тукталдылар.