Азык хәзерләнә

Районда азык хәзерләү эшләре тулы куәттә алып барыла.

Бүгенгесе көндә күпьеллык үләннәр тугыз мең гектарда чаптырылган (планга карата 80 процент). Район хуҗалыкларында биш мең тоннадан артык печән, 14 мең тоннадан күбрәк сенаж хәзерләнгән. "Аксу Агро" агрофирмасының азык йортлары күзгә күренеп тулылана - бер мең тоннадан артык печән тупланган, 3,5 мең тоннага якын сенаж салынган инде. Шулай ук "Аксубай" АФ", "Актай", "Сөлчә", "Колос" ҖЧҖдә азык хәзерләү эшләре югары темплар белән алып барыла. Газетабызның киләсе санында "Сөт иле Аксу" агрофирмасының "Карасу" бүлегендә эшләүче азык хәзерләүчеләр турында репортаж укырсыз.