Рөстәм Миңнеханов Аксубай педагогына «Татарстан Республикасының атказанган мәдәният хезмәткәре» билгесен тапшырды

Төп сәхнәдә Татарстан Президенты Рөстәм Миңнеханов Наилә Сәет кызына ”Татарстан Республикасының атказанган мәдәният хезмәткәре” билгесен тапшырды.

Бу балалар белән эшләү стажы 45 елдан артык булган педагог өчен лаеклы бүләк. Баланы музыка коралында уйнарга өйрәтеп кенә калмыйча, аның уен коралында аңа шулкадәр гашыйк булып уйнавы мөһим. Бу мәхәббәтне менә инде 10 елдан бирле Аксубай малайларына һәм кызларына Наилә Сәет кызы сеңдерә.

Наилә Крайнова җитәкләгән иң яраткан һәм барысы да хөрмәт иткән коллектив – ул “Аксубай егетләре” халык балалар баянчылар ансамбле. Яшь баянчылар Мәскәүдә Гран-при кубогына ия булдылар, Татарстан территориясендә, шулай ук Сочида һәм Кырымда үткәрелә торган күп санлы халыкара, бөтенроссия һәм республика бәйгеләре лауреатлары булдылар.

Аның идеясе – тәрбиягә бала алган гаиләләрдәге, “Хыял” приютында, күп балалы гаиләләрдә тәрбияләнүче һәм мөмкинлекләре чикле балалар кергән кашыклар белән көй чыгару ансамблен булдыру иде. Балалар халыкара, бөтенроссия һәм муниципаль бәйгеләр лауреаты булып үзләре турында күп тапкыр белдерделәр.

Наилә Крайнова үзе ЛУКОЙЛ (2019 елда), Татнефть (2020 елда) компанияләре грантларын һәм Президент грантын (2022 елда) алуга бәйгеләре җиңүчесе. Г.Г. Романов исемендәге “Поёт мне в землянке гармонь” “Баянчылар фестивале” һәм “Шифалы баян һәм кашык белән көй чыгару” социаль- мәдәни проекты авторы. 2020 елда “Интернетка рәхмәт” Бөтенроссия пенсионерлар бәйгесе җиңүчесе.

Наилә Сәет кызы Аксубайда тәрбиягә бала алган гаиләләрнең “Игелек берлеге” клубын булдыру инициаторы. Аксубай педагогының музыка укыту теориясенә керткән өлеше дә бәяләп бетергесез. Быел “Композитор” нәшриятында Наилә Крайнова редакциясе астында татар композиторларының баян пьесалары өчен ноталар җыентыгы дөнья күрде.

– Минем “Татарстан Республикасының атказанган мәдәният хезмәткәре” исеменә лаек булуым – ул Түбән Кама шәһәрендә һәм Аксубайда эшләгән барлык укучыларымның һәм аларның әти-әниләренең казанышы! Бу, һичшиксез, укучыларымның зур хезмәте һәм безнең уртак нәтиҗә! – дип саный Наилә Сәет кызы. – Район башлыгы Камил Камал улына зур рәхмәт, ул мине һәм тәрбияләнүчеләремне барлык башлангычларда да хуплый! Ул нәзакәтле, зыялы кеше һәм искиткеч җитәкче! Район җитәкчелегенең һәм Мәдәният министрлыгының хезмәтемне югары бәяләве белән горурланам. Кичә сүзләр белән генә әйтеп бетереп булмый торган хисләр кичердем. Чыннан да, бик күп эшләнде.

Наилә Крайнова укучыларының берсе телевидениенең Беренче каналында продюсер саунды буларак эшли, икенчесе – Татарстан Республикасы Мәдәният министрлыгының икътисад бүлеге башлыгы, күп кенә чыгарылыш сыйныф укучылары Татарстанның музыка учреждениеләрендә эшлиләр, аның педагогик мәктәбен дәвам итәләр. Быел “Аксубай егетләре”нең чыгарылыш укучысы Илшат Яруллин Әлмәт музыка көллиятен уңышлы тәмамлады һәм максатчан юнәлеш буенча Казан дәүләт мәдәният институтына укырга керде.