Киң профильле оста

Теләсә нинди эштә дә яхшы белгеч булу кирәк.

Владимир Степанов "Актай" авыл хуҗалыгы предприятиесендә механизатор булып эшли. Яз көне үзе идарә иткән чылбырлы тракторын дым каплатуга алып чыга, аннан соң чәчү һ.б. эшләр... Җәйге чорда комбайнда иген җыя. Шуның өстенә эретеп-ябыштыру эшендә дә аңа тиңнәр юк. Көзге-кышкы чорда ремонт эшләре башлангач, Владимир Степанов эретеп- ябыштыру эшләрен башкара. Әлеге һөнәрнең дә бөтен нечкәлекләрен белә.

- Владимир Степанов - механизаторлык һәм эретеп-ябыштыру эшендә профессионал. Ул тырыш, җаваплы хезмәткәр. Без менә шундый кешеләргә зур ышаныч, өметләр баглыйбыз, - дип мактап сөйли аны авыл хуҗалыгының баш инженеры Михаил Ефимов.