Беренче уңышлы сезон

"Аксу Агро" агрофирмасында шикәр чөгендерен казып алу югары темп белән бара.

Бүгенгесе көндә әлеге культура биләгән мәйданның (3000 гектардан күбрәк) 600 гектардан артыгыннан татлы тамыр казып алынган. 20 мең тоннага якын татлы тамыр җыелган. Чөгендер казып алу буенча механикалаштырылган звено составында Рәфис Нургатин да бар. Чөгендер җыеп алу звеносының башка әгъзалары белән чагыштырганда, ул, әйтергә кирәк, игенчелектә яңа кеше. Бу аның өчен беренче уңышлы сезон. Әмма үзенең хезмәт сөючәнлеге, эштә үҗәтлеге белән коллегалары арасында ихтирам казанган, җитәкчелекнең дә аңа карата мөнәсәбәте яхшы.