Георгий тасмасы

Аксубайда "Георгий тасмасы" патриотик акция старт алды.

"Җиңү волонтерлары" белән берлектә яшь гвардиячеләр үзәк мәйданда, паркта һәм гипермаркет янында узып баручыларга, шулай ук автомобиль йөртүчеләргә тасмалар тараттылар һәм аның дөрес кулланылышы турында бәян иттеләр. Исегезгә төшерәбез, Георгий тасмасы - дөньяны фашизмнан коткарып һәлак булганнарны хөрмәтләп искә алу, тыл хезмәтчәннәренә рәхмәт белдерү, ветераннарны зурлау һәм Бөек Җиңү өчен горурлык символы. Акциядә илнең төрле почмакларыннан меңләгән "Җиңү волонтеры" катнаша.