Газиз Кашапов музее

Адресы:
Татарстан Республикасы, Аксубай районы., Яңа Үзи авылы, Мәктәп ур., 7 йорт

1992 елның 1 сентябрендә, Газиз Кашапов истәлегенә, Татарстан Республикасының Аксубай районында аның тормышына һәм иҗатына багышланган музей ачыла. Музейны ачу инициаторлары Альбина Зартдинова, Рәхимҗан Мәхмүтов, Рәшит Гафуров, Әхмәд Зартдинов һәм башка авыл халкы була. Музей авыл Мәдәният йорты бинасында урнашкан һәм 128,7 квадрат метр мәйданны алып тора. Мәдәният йорты каршында Газиз Кашаповның бюсты урнаштырылган, Казан скульпторы Абдрәшитовның эше, күренекле ватандашына рәхмәт белдерү буларак, Яңа Үзи авылында яшәүчеләр тарафыннан финансланган. Язучының тормыш иптәше музейга Кашаповның шәхси әйберләрен бүләк иткән, ә башка экспонатларны Яңа Үзи авылында яшәүче туганнары биргән. Музей хезмәткәрләре экскурсияләр оештыралар, алар барышында Газиз Кашаповның иҗади язмышы, аның әдәбияттагы уңышлары һәм уңышсызлыклары, шулай ук аның тормыш һәм илһамның бер өлеше булган әсәрләре һәм персонажлары турында сөйлиләр.