Президент белән очрашуда

Җиңү көне алдыннан Татарстан Президенты Рөстәм Миңнеханов республиканың шәһәр һәм районнарында гомер итүче ветераннар, сугыш толлары һәм тыл хезмәтчәннәре белән очрашты.

Традицион очрашу Муса Җәлил исемендәге Татар дәүләт опера һәм балет театры бинасында узды. 1941-1945 еллар Бөек Ватан сугышында Җиңүнең 72 еллыгы уңаеннан уздырылган тантанага республиканың төрле шәһәр һәм районнарыннан 400дән артык сугыш ветераны һәм тыл хезмәтчәне килде. Аксубай делегациясе вәкилләре арасында - Бөек Ватан сугышы ветераны Елисей Мурзич Тимирясов, Әфган һәм Чечен сугышларында катнашкан Гомәр Әмир улы Хәйруллин, сугыш толлары һәм тыл хезмәтчәннәре бар иде. Делегациягә район башлыгы Камил Гилманов җитәкчелек итте.