Ункөнлек бара

Татарстан Республикасында Балалар юл иминлеге ункөнлеге үтә.

Ункөнлек 27-28 сентябрьдә Санкт-Петербургта үтәчәк IV Халыкара "Тормыш иминлеге хакына юлларда иминлек" конгрессына багышланган. Кешеләрнең юл-транспорт имгәнүләрен профилактикалау - конгрессның төп темасы булачак. Ункөнлек кысаларында төрле чаралар планлаштырылган. Белем бирү учреждениеләрендә юл хәрәкәте иминлеге буенча ачык дәресләр үтә.
Балалар бакчаларында тәрбияләнүчеләрне тематик утренниклар, яшь юл инспекторлары отрядларын җәлеп итеп конкурслар һәм викториналар көтә. Моннан тыш, Дәүләтавтоинспекция хезмәткәрләре, укытучылар, ата-аналар белән махсус җыелышлар үткәрәчәк.
"Имин зебра", "Яктырт", "Автокресло - балаларга" һ.б. акцияләр дә үткәреләчәк.