Хезмәтенә күрә хөрмәте

КПС-4 авыл хуҗалыгы машинасы белән Т-150 тракторында үткән 5 көн эчендә ул чәчүгә 320 гектар җир әзерләгән. Игенчене Югары Баланда авылы янында урнашкан кырда башкарылган эш нәтиҗәсе белән котларга делегация килде. Район башлыгы Камил Гилманов Валерий Ксенофонтовичка Рәхмәт хаты һәм акчалата премия тапшырды. 
– Хезмәтегез өчен рәхмәт, яңа уңышлар көтәбез, – дип белдерде ул.
УСХиП җитәкчесе Миниршат Алимов механизаторга иң изге теләкләрен белдерде.
Валерий Купцов – авыл хуҗалыгы предприятиесенең иң уңган механизаторларының берсе. Агрофирмада дистәләрчә ел хезмәт кую дәверендә ул төрле маркалы тракторларда эшләгән. Иртә яздан башлап көзгә кадәр ,бер-бер артлы операцияләрне башкарып, тырышып эшли ул.