Аксубай районында яшәүче 41 кеше ВИЧ-инфекцияле статуска ия

ВИЧ-инфекция – вирус кеше организмына эләккәч барлыкка килгән авыру. Вирус саклану функциясен башкаручы иммун системасын көчсезләндерә. Билгеле бер вакыт дәвамында (гадәттә берничә ел) организм ВИЧны контрольдә тота ала. Бу чорда зарарланган кеше үзен сәламәт хис итә (шулай күренә), һәм еш кына үз проблемасы турында уйламый.
Безнең районда ВИЧ-инфекция буенча исәптә торучылар арасында ир-атлар өстенлек итә – 58,1%. ВИЧ-инфекция йоктыруның өстенлек итүче юлы – сакланылмаган җенси мөнәсәбәтләр вакытында инфекция керү. Бүгенге көндә 41 ВИЧ-инфекцияле пациент исәптә тора. Таралу күрсәткече 100 мең кешегә 154,8 тәшкил итә, Татарстан Республикасы буенча – 377,1.
ВИЧ-инфекция пандемиясе кешелек тарихында иң җимергеч булып тора, шуңа күрә дөньяда тотрыклы үсеш өлкәсендәге чылбырларның берсе аны туктату санала. БМО Генераль Ассамблеясы 2016 елда 2020 ел ахырына дөнья илләре 90-90-90 максатчан күрсәткечләренә ирешергә тиеш дип килеште: ВИЧ-инфекция белән яшәүчеләрнең 90% ына ВИЧ-инфекция диагнозы куелырга тиеш, аларның 90% ы дәвалау терапиясе алырга тиеш, һәм терапия алучыларның 90% ында вирус йөкләнеше басылырга тиеш. 90-90-90 стратегиясе база булып санала, чөнки аны гамәлгә ашыру нәтиҗәсендә ВИЧ-инфекция белән яшәүче кешеләрнең гомер озынлыгы гына түгел, ә ВИЧ инфекция йоктыру куркынычы да кими, чөнки ВИЧ-инфекция белән авыручы кешеләрнең чирне бер-берсенә йоктыруы туктала.
Россиядә һәр бишенче кеше үзенең диагнозы турында белми. Без регуляр рәвештә ВИЧ-тест үткәрергә киңәш итәбез. Һәрбер үз-үзен хөрмәт иткән кеше үз ВИЧ-статусын белергә тиеш. Бу тест гомуми кан анализы тапшырган кебек гадәти булырга тиеш. Районда яшәүче һәркем, участок табибларыннан юллама алып, «Аксубай район үзәк хастаханәсе» ГУАЗ поликлиникасының процедура кабинетында кан тапшыра ала. ВИЧ анализы бушлай.