Аксубаево
  • Рус Тат
    • Яңалыклар

    Ярминкәдән – миллионлык табыш белән

    автор, 12 ноябрь 2015 - 06:47
    388
    0
    0

    Иртәдән үк Казанның сәүдә мәйданына автомашиналар килеп туктады, беренче сатып алучылар да күренде. Республика башкаласы халкы ашамлыкларны күпләп әзерләргә хирыс. Алар өстәлгә сыйфатлы, экологик чиста ризык куярга яраталар. Ярминкәләрне оештыручылар (соңгы елларда аларны үткәрү күркәм гадәткә керде) халыкны товарны авыл хуҗалыгы продукциясе җитештерүчеләрдән сатып алырга өйрәттеләр. Ярминкәләрдә сыйфатлы яшелчәләр генә...

    Иртәдән үк Казанның сәүдә мәйданына автомашиналар килеп туктады, беренче сатып алучылар да күренде.
    Республика башкаласы халкы ашамлыкларны күпләп әзерләргә хирыс. Алар өстәлгә сыйфатлы, экологик чиста ризык куярга яраталар. Ярминкәләрне оештыручылар (соңгы елларда аларны үткәрү күркәм гадәткә керде) халыкны товарны авыл хуҗалыгы продукциясе җитештерүчеләрдән сатып алырга өйрәттеләр. Ярминкәләрдә сыйфатлы яшелчәләр генә сатыла, чөнки алар авыл хуҗалыгы предприятиесе кырларында, җирле халык бакчаларында үстерелә. Безнең район экологик яктан чиста санала, шуңа да бездә үстерелгән продукция сәламәтлек өчен файдалы. Азык-төлекне ярминкәдә сатып алуның төп өстенлеге - бәяләр. Алар кибетләр, супермаркетлар, сәүдә үзәкләре тәкъдим иткәннән күпкә түбәнрәк.
    Күпчелек шәһәр халкы безнең район продукциясен даими сатып алучыга әверелде.
    Сәүдә итүчеләрнең һәм сатып алучыларның кәефен безнең артистлар да күтәрде. Рус, татар, чуаш җырлары шәһәр халкы күңеленә хуш килде.
    - Аксубай районының ярминкә мәйданында сәүдә итү югары дәрәҗәдә оештырылган иде, - дип билгеләп үтте башкарма комитет җитәкчесенең икътисад буенча урынбасары Рәис Галиев. - Аңарда катнашучы һәркем сәүдә итүгә җаваплы якын килеп әзерләнгән.
    Бәйрәм ярминкәсендә районның барлык авыл җирлекләре катнашты. Аларның сәүдә нокталары оригиналь, матур бизәлеш белән аерылып торды. Алар янында тукталган кеше товар сатып алмыйча китмәде. Яхшы сыйфатлы бәрәңге, суган, кәбестә, кишер, кызыл чөгендер күз ачып йомганчы сатылып бетте. Казанлыларны бакча "патшасы" - кабак аеруча кызыксындырды. Әлеге культура бер тоннадан артык сатылды.
    6 ноябрьдә Казан ярминкәсендә Аксубай авыл хуҗалыгы предприятиеләре бер миллион сумнан артыкка продукция саттылар.
    Башкала халкы авыл сөтенә өстенлек бирде. "Сөт иле Аксу" ҖЧҖ нәкъ менә шундый товар тәкъдим итте. Бер тонналы сыешлык тиз арада бушады. "Сөлчә" ҖЧҖ дә сөт белән сәүдә итте.
    "Аксубай" АФ" төрле төрдәге сөт продукциясе тәкъдим итте һәм казанлылар аны яратып та өлгерделәр. Моңардан тыш, әлеге предприятие сатуга бөртек һәм яшелчә алып килгән иде. Аксубай универсаль технологияләр техникумы тәкъдим иткән товар ассортименты да бай булды. Техникум директоры Фәрхат Аюпов сәүдә процессын үзе контрольдә тотты. "Производство предприятиесе" ҖЧҖ 40 төрдән артык икмәк-булка әйберләре тәкъдим итте. Шәһәр халкы, Аксубай икмәге белән бергә, пирог, булкалар, печенье һ.б. сатып алды.
    Ит продукциясе сату белән шөгыльләнүче район үзәге эшмәкәрләре Александр Крайнов, Маргарита Ефимова, ирле-хатынлы Айзатуллиннар, Людмила Куштукова уңышлы сәүдә итүгә үзләреннән зур өлеш керттеләр.
    Бу көнне аксубайлыларның сәүдә мәйданын, район башлыгы Камил Гилманов белән бергә, ТР Президенты Рөстәм Миңнеханов һәм Авыл хуҗалыгы министры Марат Әхмәтов та карап үтте. Президент Аксубай авыл хуҗалыгы продукциясе җитештерүчеләренең сәүдәне югары дәрәҗәдә оештыруларына югары бәя бирде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2020. Филиал АО "ТАТМЕДИА" "Редакция газеты "Сельская новь". Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Аксубаево
    № свидетельства о регистрации СМИ, дата: ЭЛ № ФС 77 - 77654 от 17 января 2020 г.
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Жаренова Людмила Викторовна
    Адрес редакции: 423060, Республика Татарстан, Аксубаевский район, пгт Аксубаево, ул. Ленина, д.9
    Телефон редакции: 8 (84344) 2-84-52, e-mail: selskaja-nov@tatmedia.com
    Сообщать о фактах коррупции можно на e-mail: selskaja-nov.dir@tatmedia.com
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    16+