Чүп яндырмагыз!

Көз-йорт яны участокларында тәртип салу чоры.

Һәркем бакчадагы чүп-чардан арынырга тели-берәүләр аны чересен өчен өеп куйса, икенчеләре яндыра. Ә бит янгын куркынычы кагыйдәләре буенча участокта учак ягу тыела, чүпне бары тик ябык сыешлыкта гына яндырырга ярый. Әлеге очракта да һаваны пычраткан өчен экологлар штрафка тартырга мөмкин. Әмма монда кешеләргә кагылышлы тагын бер аспект бар-халык арасында йөрәк авырулы, астмадан җәфаланучы, аллергиядән интегүчеләр дә аз түгел. Әлеге учаклардан көннәр буена төтен чыгып ята, урамга һава сулыйм дип чыгарга юк. Әйдәгез бер-беребезгә хөрмәт белән карыйк, янәшәдәгеләрнең сәламәтлеге турында да онытмыйк.