Законнарны кемнәр кабул итә

Аксубайның 3 нче мәктәбендә «Парламент дәресе» бик кызыклы үтте.

Аны «Законнарны кемнәр кабул итә» темасы буенча Татьяна Удиярова үткәрде. Унберенче сыйныф укучыларының җәмгыять белеме дәресенә депутат ярдәмчесе Диләрә Фәрәхиева һәм район Советы аппараты җитәкчесе Рөстәм Моратшин килде. Өлкән сыйныф укучылары сәясәт өлкәсендә яхшы белемгә ия булуларын күрсәттеләр, дәрес барышында сыйныф Кодексын әзерләп, аны кабул иттеләр, законнарны кемнәр кабул итүен белделәр. Диләрә Илгиз кызы балаларны Мөхәммәтвәли Хөснетдинов үрнәгендә депутат эшчәнлеге белән таныштырды.