Ындыр табагында эш кайный

«Продкорпорация» ООО ның «Луч» бүлеге ындыр табагында яңа уңышны җыеп алуга керешкәнче үк эш башланган иде инде.

Хатын-кызлар бөртек өчен мәйдан, машинистлар техника хәзерләү белән мәшгуль булдылар.
Ә бүген монда эш тулы куәткә бара. Машинистлар Евгений Данилов, Петр Сидоров һәм Вячеслав Садыйков сортларга аеру җиһазының һәм ЗАВ ның өзлексез эшен тәэмин итәләр, Ә Елена Сидорова, Елена Герасимова, Тамара Чуракова ашлык эшкәртү, төяү һәм саклауга салу эшен башкаралар.
Ындыр табагында эшнең очы-кырые юк, әмма аны ике сменада оештыру барысын да үзвакытында алып бару мөмкинлеге бирә.