Ветераннар хисап тотты

Үткән атнада район ветераннар Советының беренче ярты еллык нәтиҗәләре буенча җыелышы булып үтте.

Бүгенге көндә ветераннар Советы 68 башлангыч ветераннар оешмасын үз эченә ала. Аларның күпчелеге урыннарда актив җәмәгать эше алып баралар, аларның фикерен тыңлыйлар, алар белән исәпләшәләр. Башкарма комитет җитәкчесе урынбасары Сергей Александров та җыелышта шул турыда сөйләде.
Җыелучылар алдында ветераннар Советы рәисе Евгений Копанев, Яңа Ибрай ветераннар советы рәисе Шәүкәт Кәбиров отчет белән чыгыш ясадылар. Җыелыш барышында кайбер карарлар кабул ителде, киләчәккә планнар билгеләнде.