Татарстан – гадәттән тыш режимда

15 декабрьдән Татарстанда янгынга каршы гадәттән тыш режим кертелде.

Бу хакта ТР Президенты Рөстәм Миңнеханов тиешле Карар имзалаган. Карарда әйтелгәнчә, төбәкләрдә янгынга каршы гадәттән тыш режим, яңа ел чаралары чорында гражданнарның тормышы һәм сәламәтлеге иминлеген тәэмин итү, физик һәм юридик затларның, дәүләт һәм муниципаль милекнең янгында зыян күрмәве максатларында кертелә.
Шунысын исегезгә төшерәбез, янгынга каршы гадәттән тыш режим кертелү нигезендә, закон билгеләп үткәнчә, янгын иминлеге кагыйдәләрен бозган өчен штраф санкцияләре ике тапкырга арта.