Спорткомплекста концерт

Узган атнада ветераннар секциясе «Юность» спорткомплексында Аналар көненә багышлап күңелләрдә калырлык спорт чарасы уздырды.

Җиңелчә гимнастик күнегүләрдән соң спортсмен-пенсионерлар тренер Лидия Горбунова җитәкчелегендә тренажер залга керделәр. Анда мускулларны ныгытырга ярдәм итүче снарядларда шөгыльләнеп алгач, күнегүне фитнес залда дәвам иттеләр.
Физик күнегүләрдән соң өлкән яшьтәге спортсменнар экспромтом-концерт программасы күрсәттеләр.
Әлеге чара бәйрәмдә катнашучылар пешереп килгән тәм-томнардан әзерләнгән чәй өстәле артында бергәләп чәй эчү белән тәмамланды.