Шәфкатьлелек өләшүчеләр бәйрәме

Районның социаль хезмәткәрләре якшәмбе көнне үзләренең һөнәри бәйрәмнәрен билгеләп үтәләр.

- Социаль хезмәткәр - ул изге йөрәкле кеше. Әлеге һөнәр ияләренә яхшылык, эчкерсезлек, олы яшьтә булулары һәм сәламәтлеге какшау сәбәпле ярдәмгә мохтаҗ кешеләргә теләсә кайсы мизгелдә ярдәм итү теләге хас,- диелә район башлыгы Камил Гилманов котлавында. - Монда шулай ук эшлекле мөнәсәбәтләрдән тыш шәхси сыйфатлар да мөһим роль уйный. Сезгә һәм якыннарыгызга сәламәтлек, иминлек телим.