Сабантуй бәйрәме белән!

Иртәгә без иң күркәм милли бәйрәмнәребезнең берсе - Сабантуйны бәйрәм итәчәкбез.

- Яз, хезмәт, сабан һәм дуслык бәйрәме безнең күпмилләтле районыбызда элек-электән ипи-тоз һәм күпсанлы кунаклар белән билгеләп үтелә, - диелә район башлыгы Камил Гилманов котлавында. - Сабантуй уен-көлке, азартлы спорт ярышлары белән төрле милләттән һәм төрле диндә булган кешеләрнең олысын да, кечесен дә бергә берләштерә, туганлык һәм гаилә җепләрен, үзара мөнәсәбәтләрне ныгытуга, мәдәни өлкәдә тәҗрибә уртаклашуга ярдәм итә. Кадерле якташлар! Ихлас күңелдән сезнең барыгызга да ныклы исәнлек, уңышлар, күтәренке рух телим!