Пенсияне – Интернет аша

ПФРга килмичә генә пенсионер статусы алучы аксубайлылар саны арта бара.

Быелның март аеннан Пенсия фонды, иминиятләштерелгән затның шәхси кабинеты аша картлык буенча иминият пенсиясе билгеләү өчен гаризалар кабул итә башлады. Иске Ильдеряктә, Савгачта, Иске Тимошкинода, Кәкре Күлдә, МЮДта мәктәпләр каршында киңәш бирү пунктлары эшли башлады. Булачак пенсионер мөрәҗәгать иткәндә, информатика укытучысы ПФРга электрон гариза язарга ярдәм итә. Кабинет аша пенсия билгеләү өчен берничә дәрәҗә үтәргә кирәк: гариза бирүченең кайбер шәхси мәгълүматларын күрсәтергә, пенсия төрен һәм аның түләү алымын сайларга. Пенсия фондының электрон сервисыннан дәүләт хезмәтләре порталында да файдаланырга мөмкин.