Пенсияләр арткан

1 апрельдән Аксубай пенсионерларының социаль пенсия күләме 10,3 процентка артты.

Федераль льготачыларга айлык акчалата түләүләр күләме (ЕДВ) 5,5 процентка артты. Социаль пенсияләр күләменнән чыгып билгеләнгән дәүләт пенсия тәэминаты буенча пенсияләр, айлык өстәмә матди тәэмин итүләр һәм башка социаль түләүләр 10,3 процентка арта. "Нәтиҗәдә, дүрт меңгә якын Аксубай пенсионерының пенсия белән тәэмин итү дәрәҗәсе арта ( шулардан - 939 кеше социаль пенсия алучылар), - дип билгеләп үтте Пенсия фонды идарәсе җитәкчесе урынбасары Николай Кистенев.