Печәннең дә файдасы зур

Июнь ае уртасына азык йортларындагы печән өемнәре меңләгән тоннадан артып китте.

УСХиП мәгълүматларына караганда, районның азык җитештерүчеләре алдына 13 мең тоннадан күбрәк печән хәзерләү бурычы куелган. Аның нигезен күпьеллык үләннәр алып торачак, ул планлаштырылган мәйданнарның 60 процентыннан чаптырылган инде. Печән хәзерләүдә «Алтэкс» агрофирмасы азык хәзерләүчеләренә уңыш елмая. Алар тиешле печәннең 80 проценттан артыгын хәзерләгәннәр. Шулай ук «ВАМИН - Аксу» хезмәтчәннәре дә күпьеллык үләннәрне чаптыруны тизләтәләр, алар тиешле печәннең 30 процентын хәзерләгәннәр инде.