Әниләр көненә

Район мәдәният бүлеге Әниләр көне уңаеннан күптөрле чаралар әзерли.

26 ноябрьдә 14.00 сәгатьтә район Мәдәният йортында татар әниләре өчен «Ана - бөек исем...» чарасы үтә, аны мәдәният, мәгариф бүлекләре, китапханә, туган якны өйрәнү музее, «Ак калфак» район хатын-кызлары иҗтимагый берләшмәсе оештыра. 27 ноябрьдә 17.00 сәгатьтә район Мәдәният йортында Аксубай сәнгать мәктәбе укучылары «Әниләрне котлыйбыз» концерт программасы белән чыгыш ясый. 30 ноябрьдә 11.00 сәгатьтә район Мәдәният йортында «Әниләрнең алтын йөрәге» дип исемләнгән зур концерт була. Әниләрне районның барлык мәдәни учакларында да бәйрәм концертлары көтә.