Мәйдан чакыра

Шимбә, 7 июнь көнне район Сабантуе узачак төп мәйдан һәркемне бәйрәмгә чакыра.

Сабан һәм хезмәт бәйрәме сәгать 10.00 да башлана. Күркәм гадәт буенча, бу көнне авыл хуҗалыгы алдынгыларын бүләкләү тантанасы булачак. Мәйданда шулай ук массакүләм уеннар, аттракционнар оештырылачак. 11.30 сәгатьтә Сабантуй ипподромы ат чабышларын сөючеләрне үзенә чакыра. Ә инде 12.00 сәгатьтә милли көрәш ярышлары башлана. Табигать кочагында рәхәтләнеп ял итәргә теләүчеләрне исә район үзешчән артистлары хәзерләгән концерт программасы, карусель һәм шашлык пешереп сатучы сәүдә рәтләре көтә.