Мәктәп һәм яшүсмер

Иске Үзи урта гомум белем бирү мәктәбе базасында район башкарма комитеты каршында эшләп килүче балигъ булмаганнар белән эшләү комиссиясенең чираттагы утырышы булды.

Педколлективның укучылар тарафыннан хокук бозуларны профилактикалау буенча күп эш башкаруына карамастан, бу мәктәптә әлеге проблема кала бирә. Утырышта әйтелгәнчә, моның сәбәбе гаиләдә яшеренгән. Менә шуңа күрә көн тәртибендәге төп мәсьәлә булып, яшүсмерләрне начар юлдан саклап калу өчен күрелгән чаралар белән беррәттән, ваемсыз ата-аналарга карата да чаралар күрергә дигән тәкъдимнәр ясалды.