Өлкәннәр көне белән

Республикада СМИ вәкилләре катнашында үткән чираттагы видеобрифинг Татарстан Республикасында Өлкәннәр көнен үткәрүгә багышланды.

ТР Министрлар кабинеты боерыгына нигезләнеп Министрлыклар һәм ведомстволар алдына Халыкара Өлкәннәр көненә багышланган чаралар үткәрү бурычлары куелды. Өлкәннәр ункөнлегендә аз тәэмин ителгән, ялгыз пенсионерлар игътибар үзәгендә булырга тиеш. Пенсионерларның сәламәтлеген ныгытуга, аларны мәдәни һәм спорт тормышына җәлеп итүгә, өлкән яшьтәге ялгыз кешеләргә торакларын кышкыга хәзерләүдә, азык запасы булдыруда һ.б. ярдәм итүгә юнәлдерелгән акцияләр дә алга таба үсеш алачак.