Әлегә – сабан культуралары

Район кырларында язгы кыр эшләре киеренке рәвештә бара.

Бүгенге көндә иртә утыртылучы сабан культураларының 70 проценты чәчелгән. Чәчү кампаниясе башында алынган югары темпны исәпкә алганда, бу эш тагын өч көн дәвам итәчәк. Чиратта - кукуруз, күпъеллык үлән һәм өлешчә рапс чәчү.

"Актай" ҖЧҖ бүгенге көндә чәчүне тәмамлаган. "Аксубай" АФ", "Сөт иле Аксу" агрофирмаларында да язгы кыр эшләре сыйфатлы, дымны саклап калу өчен барлык мөмкинлекләрне кулланып алып барыла.