Кышка азык

Үткән шимбә көнне районның үзәк мәйданында зур авыл хуҗалыгы ярминкәсе булды.

Бу көнне районның авыл хуҗалыгы формированиеләре рәхәтләнеп үз продукцияләрен саттылар. Халык тарафыннан бөртек-фураж иң күп соралган товар булды, шуңа күрә зур йөк машиналары бик тиз бушап калды. Бәяләрнең арзан булуы да халык өчен кулай иде. Мәктәпләр үзләре үстергән яшелчәләрне саттылар. Дуңгыз балалары да тиз арада сатылып бетте. Шәхси эшмәкәрләр дә үз товарларын тәкъдим иттеләр.
Сәүдә рәтләрен карап үткәч, район башлыгы бу ярминкә беренчесе генә, әле тагын башкалары да булачак диде. Ярминкәдә «ВАМИН-Аксу», «Алтэкс», «Аксубай продкорпорациясе», «актай» агрофирмалары актив катнашты.