Көрәштә башларын салган аксубайлылар

Мәскәү янындагы көрәштә контр һөҗүмгә күчү көненә җитмеш ел була.

Тарих буенча без Волокаламск янындагы Дубосеково разъездындагы көрәш өчен 28 панфиловчыны гына үлгәннән соң бүләкләгәннәрен беләбез. Ә хәзер билгеле булганча, әлеге көрәштә Татарстаннан да бик күп сугышчылар, шул исәптән Аксубай районыннан кызылармияче А.Краснов та һәлак булган. Безнең районнан шулай ук И.Краснов, кече лейтенант Х.Зарипов та Мәскәү янында башларын салганнар. Волокаламск районындагы туганнар каберлегендә барысы 1000 гә якын Татарстанлының гәүдәләре ята.