Искемокшинолылар – республика чемпионнары

Алексеевскта 1998-2000 елларда туган яшүсмерләр арасында баскетбол буенча республика ярышлары үтте.

Иң яхшы унбер команда Татарстан Беренчелегенә чыгу өчен көч сынашты. Безнең районны Иске Мокшино урта мәктәбе укучылары тәкъдим итте. Егетләр беренче очрашудан соң ук җиңүгә ышаныч белән якын килделәр. Һәм нәтиҗәдә финалга чыктылар. Аксубайлыларның Зәй командасы белән очрашуы ярышларга йомгак ясады. Әлеге уен Рәис Бикулов тәрбияләгән спортчылар файдасына 70:35 исәбе белән тәмамланды. Безнең егетләр республика чемпионнары булдылар!