Христианнар бәйрәмендә–бәкегә

Җомга көнне православие христианнары Крещениене бәйрәм итәләр.

Бу көнне чиркәүләрдә суны изгеләндерәләр, изгеләндерелгән су чыганакларында су коену хасталардан коткара, көч-куәт һәм исәнлек бирә дип санала. Изгеләндерелгән суда коенып күтәренке кәеф алырга теләүчеләр бары тик җиһазландырылган урыннарда гына су керергә мөмкин булуын истән чыгармасыннар иде. 18 гыйнварда, 21.00 сәгатьтә Киса авылы янындагы су чыганагы, 19 гыйнварда "Ташлы чокыр" чишмәсендәге су чыганагы изгеләндерелә.
Шуннан соң барлык теләүчеләр дә бәкедә су коена алачак.