Хәрби-диңгез Флоты көне белән!

Матрос, старшина, офицер иптәшләр һәм Бөек Ватан сугышы, Кораллы Көчләр ветераннары! Сезне чын күңелемнән Россия Хәрби-Диңгез Флоты көне белән тәбриклим!

Бүген хәрби моряк исемен горур йөрткән, үзенең озак еллар гомерен флотка биргән, флотта эшләгән, хәрби-диңгез Флотын яраткан, аның традицияләрен хөрмәт иткән кешеләрнең төп бәйрәме. Бу - чын ир-атлар, Ватанның чын патриотлары, диңгез хезмәте романтиклары бәйрәме. Чиксез диңгез киңлекләрендә яки океан тирәнлегендә хезмәт иткән, Ватаныбызның тынычлыгын саклап хәрби бурычын үтәгән һәркемне Хәрби-Диңгез Флоты көне белән тәбриклим. Бүген хезмәт итүчеләрнең барысының да туганнарын, якыннарын бәйрәм белән тәбриклим. Һәркемгә ныклы сәламәтлек, озын гомер, рухи байлык телим! Күк йөзе аяз, өегездә бәхет булсын һәм киләчәккә өметегез сүнмәсен иде.