Хезмәтенә күрә хөрмәте

Заря поселогыннан крестьян-фермер хуҗалыгы башлыгы Алексей Гуляков күптән түгел үзенең алтмыш яшьлек юбилеен билгеләп үтте.

Ул районда сиксәненче еллар азагыннан бирле үз хуҗалыгын алып баручы беренче фермер. Фермерның агросәнәгать комплексын үстерүгә керткән өлеше югары бәяләнде. Күпьеллык һәм фидакарь хезмәте өчен Алексей Елизарович ТР Авыл хуҗалыгы һәм азык-төлек министрлыгы Мактау грамотасы, Аксубай муниципаль район башлыгының Рәхмәт хаты белән бүләкләнде. "Аксубай район советы агросәнәгать комплексы өлкәсендә озак еллар хезмәт куюыгыз һәм крестьян-фермер хуҗалыгын үстерүгә зур өлеш керткәнегез өчен тирән рәхмәтен белдерә" - диелә Рәхмәт хатында.