Хезмәтен бәяләделәр

Аксубай муниципаль районы башкарма комитетының ЗАГС бүлеге начальнигы Елена Ивановна Еграшкина күп еллар буе намуслы эшләгәне һәм гражданнар хәле актын дәүләт теркәү системасы үсешенә зур өлеш керткәне өчен Татарстан Республикасы Президенты Рәхмәтенә лаек булды.

Елена Ивановна ЗАГС бүлеген егерме ел җитәкли. Бу еллар эчендә система бик күп үзгәрешләр кичерде, мәгълүмати технологияләр кертелде. Аксубай гражданнар хәле актын теркәү бүлеге дә Елена Еграшкина тырышлыгы белән һәрчак заман белән бергә атлый.