Гаилә көне белән!

- Сезнең барыгызны да чын күңелемнән Гаилә, мәхәббәт һәм тугрылык көне белән тәбрик итәм. Әлеге бәйрәм чагыштырмача яшь булып, күптән түгел генә бәйрәм ителә башласа да, меңләгән гаиләләр өчен ул яраткан бәйрәмгә әверелде.

Гаилә кыйммәтләре кешеләр өчен һәрвакыт иң мөһим төшенчә булып кала бирә. Нык, тату гаилә һәрчак җәмгыятьнең нигезе, рухи-әхлакый кыйммәтләрне, милли гореф-гадәтләрне саклаучы ышанычлы тыл булып тора, - диелә район башлыгы Камил Гилманов котлавында. - Сезгә исәнлек, имин тормыш, күңел җылысы, мәхәббәт, гаилә бәхете телим. Гаиләгездә җылылык һәм ярату хөкем сөрсен, балаларыгызга якты киләчәк насыйп булсын!