Гади һәм чын күңелдән

Римма Крайнованың беренче әсәрләр җыентыгы дөнья күрде.

"Гади һәм чын күңелдән" китабына авторның дингә, туган якка һәм улына багышланган шигырьләре кергән. "Олы яшьтә булуыма карамастан күптән түгел генә яза башладым һәм моның өчен беркайда да укымадым. Минем тормышымдагы иң олы аянычлы вакыйга - бердәнбер улымның якты дөньядан китүе. Һәм бу мине иҗат эшенә этәрде дә. Балам белән аралашу юлын шигырьләр аша таптым", - дип сөйли Римма Крайнова китабының беренче битендә.