Файдаланылмаган җир кире алына

Дүшәмбе министрлар кабинетында видеоконференция режимында чираттагы брифинг үтте.

«ТР да авыл хуҗалыгы билгеләнешендәге җир мониторингы йомгаклары» аның төп темасы булды.
Брифингта ТР буенча Росреестр Идарәсе, ТР Авыл хуҗалыгы министрлыгы, ТР Прокуратурасының федераль законнары үтәлешен күзәтү Идарәсе вәкилләре катнашты.
Соңгы мониторинг нәтиҗәләре күрсәткәнчә,Татарстанда авыл хуҗалыгы билгеләнешендәге файдаланылмаган 75 мең гектардан артык җир барлыгы ачыкланган. Тикшерү нәтиҗәләре буенча җавапсыз җир хуҗаларыннан җир участокларын тартып алуны да үз эченә алган җир законын бозуларга чик куюга кагылышлы нәтиҗәле чаралар күреләчәк,-дип ассызыклап үттеләр чыгыш ясаучылар.