Эшләгән өчен – приз

"Мәктәп -наркотикларсыз территория" республика бәйгесенең соңгы этабы тәмамланды.

Бәйгегә республика шәһәрләре һәм районнарының 62 мәктәбеннән заявкалар тәкъдим ителде. Жюри әгъзалары өйрәнү өчен авыл һәм шәһәр мәктәпләреннән унар эш сайлап алдылар. Алар арасында 2 нче Аксубай урта мәктәбе дә бар иде. (Газетабызда, узган елның ноябрендә комиссия әгъзалары әлеге мәктәптә булдылар, дип язылган иде). Мәктәп коллективының әлеге юнәлеш буенча эше уңышлы дип табылды. Жюри карары белән 2 нче мәктәп мактау призына лаек булды.