Безнең мәктәп таң калдырды

Өченче мәктәптә, Сингапур белгечләрен җәлеп итеп, методик каучинг үткәрделәр.

Educare компаниясе остасы миссис Парвин Ирина Мартынова, Нина Краснова, Татьяна Дәүләтшиналарның ачык дәресләрендә булды һәм кулланылган технологияләргә югары бәя бирде. Оста дәресләрдән тыш, уку-укыту мохитен, кабинетлардагы һәм коридордагы тематик почмакларны бәяләде, укучыларның мастер-классларын күзәтте. Нәтиҗәдә мәктәп укытучылар коллективы һәм укучылар эшенә югары бәя алды. Моннан тыш, Сингапур вәкиле тәнәфес вакытында балаларның эш белән мәшгульлегенә гаҗәпләнде. Өлкән сыйныф укучылары советы мастер-класслар күрсәтте, мәктәп китапханәсендә шашка, шахмат, домино буенча турнирлар барды. "Мондый хәлне бер генә мәктәптә дә күргәнем булмады," - диде миссис Парвин.