Беренче катнашуда җиңү яуладылар

Узган җомга көнне Лениногорск шәһәрендә үткән «Буяулар һәм көйләр дөньясы-2013» ачык республика бәйгесендә Сөнчәле мәктәбе укучылары призлы урыннарны яуладылар.

11 нче сыйныф укучысы Нәзирә Гилфанова «Дизайнда төс һәм стиль» номинациясендә II дәрәҗә дипломга ия булса, 8 нче сыйныф укучысы Любовь Волкова «Гуаш белән рәсем ясау» номинациясендә III дәрәҗә дипломга лаек дип танылды. Сынлы сәнгать жанрында бу-кызларның беренче зур җиңүе. Аларның уңышыннан җитәкчеләре-сәнгать укытучысы А.Калуков та канәгать.