Белем көне белән!

-Без барыбыз да балачак чоры аша үттек, һәркайсыбыз оялчан беренче сыйныф укучысы, мәктәпне тәмамлаучы бәхетле чыгарылыш укучысы, студент булдык,- дип әйтелә район башлыгы Камил Гилмановның тәбрикләвендә. -Бу көн кем өчендер беренче, икенчеләре өчен соңгысы, ә кайберәүләр өчен чираттагысы булачак. Иртәгә беренче тапкыр мәктәп бусагасын атлап керүчеләр өчен ишекләр ачылыр һәм беркайчан да ябылмас. Озак еллар буена күңелгә якын булган мәктәп диварлары сезне каршы алырга һәрвакыт әзер, ул шатлык-куанычларыгызны уртаклашыр, авыр чакта юатыр. 1 сентябрь- районның барлык укытучыларының бәйрәме. Сезнең барыгызны да истәлекле көн белән тәбриклим, түземлек, тырышлык, максатка ирешүегезне телим!