Балалар мәнфәгатендә

Комиссия эше уңай мизгелдән башланды. Комиссиядә Иске Мокшино урта мәктәбе директоры Раил Шәрәфетдиновның чыгышы тыңланды. Ул балигъ булмаганнар эше буенча комиссиядән үз укучысын исәптән төшерүне үтенде. Аның белән шәхсән эшләү үз нәтиҗәсен биргән. Җәмәгать тәрбиячесе билгеләп үткәнчә, укучы төзәлү юлына баскан, мәктәптә дә, өйдә дә үзен яхшы яктан гына күрсәтә. Мәктәп укучысын директор урынбасары Татьяна Бикулова да яклады. Комиссия аларның үтенечен канәгатьләндерде. Әмма яшүсмер мәктәптә исәптә торачак, димәк, аның үз-үзен тотышын тикшереп торачаклар.

Комиссия утырышында, ата-ана тәрбиясеннән мәхрүм калган балаларны "Хыял" приютында яшәүче балалар турында опека һәм попечительлек бүлегенең баш белгече Руфил Дәүләтшин сөйләде. Моннан тыш, комиссия балигъ булмаган балалар һәм ата-аналарга карата административ материалларны карады.