Аксубай интернат-йорты сыйфат өчен Татарстан Хөкүмәте премиясенә лаек булды

2014 елда Татарстан Республикасы Хөкүмәте прмиясен билгеләү бәйгесенә йомгак ясалды.

2013 елда "Аксубай картлар һәм өлкәннәр өчен интернат-йорты" ГАУСО сыйфат өлкәсендәге уңышлар өчен Мактау грамотасы белән бүләкләнгән иде инде.

Менә кабат күңелле вакыйга: 2014 елда эшчеләр саны 250 дән артмаган оешмалар һәм предприятиеләр арасында шундый уңышларга ирешкән өчен Татарстан Республикасы Хөкүмәте премиясен билгеләү Советы әлеге учреждениене билегләп үтте һәм Мактау грамотасы белән бүләкләде.

Мактау грамотасын интернат-йорт директоры Роза Минеголовага Татарстан Республикасы Премьер-министры - ТРның агросәнәгать һәм сәүдә министры, сыйфат өчен ТР Хөкүмәте премиясен билгеләү буенча Совет рәисе урынбасары Равил Зарипов тапшырды.