Аксубай чемпионкасы

Яр Чаллы шәһәрендә «Наркотикларсыз тормыш» айлыгы кысаларында 1992-2003 елда туган малайлар һәм кызлар арасында дзюдо буенча Төбәкара турнир үтте.

Ярышлар «Спортка - юл, наркотикларга - юк» девизы астында Татарстан Республикасы буенча Россия Федерациясенең наркотиклар әйләнешен контрольләү буенча федераль хезмәт Идарәсе ярдәме белән үтте. Татамига Татарстан, Удмуртия республикалары һәм Киров өлкәсе спортчылары чыкты. Безнең Ольга Шугаева 44 килограмм авырлык категориясендә алтын медальгә һәм «Иң яхшы техника өчен» призга лаек булды. Сергей Овчинников үзенең авырлык категориясендә өченче урынны алды. Александр Скворцов кулы астында шөгыльләнүчеләр абруйлы ярышларда уңышлы чыгыш ясап, Аксубай данын лаеклы яклыйлар.