Ачык ишекләр көне

Россиянең Гражданнар оборонасы оешуга сиксән ел тулу мәктәп укучыларының белем дәрәҗәсен киңәйтүгә сәбәп булып тора.

Россия МЧС структура бүлеге җитәкчесе бәйрәмне янгын частенда үзенчә үткәрергә булды.
-Без бу көнне район мәктәпләрендә Гражданнар оборонасына багышланган дәресләр үткәрергә карар кылдын,-дип сөйли ПЧ начальнигы Әхтәм Насретдинов.-Шуңа 3-5 октябрь көннәрендә Янгын частенда һәм аерым постларда-Ачык ишекләр көне оештырабыз. Балаларга хәвефле сигналлар килеп ирешкәндә янгын часте караулының ничек эш итүен күрсәтәчәкбез, шулай ук янгын сүндерүчеләрнең киемнәрен киеп карарга рөхсәт итәчәкбез, үзебезнең хезмәтебез турында сөйләячәкбез һәм кызыксындырган барлык сорауларга җавап бирәчәкбез. Ул гына түгел, әгәр укучыларның янгын частена кадәр бару мөмкинлекләре юк икән, янгын сүндерү машиналарының мәктәп янына баруын оештырачакбыз.