Хезмәт коллективлары белән очрашу

Авыл җирлекләрендә үткән гражданнар җыеннарында катнашу белән бергә Камил Гилманов район үзәге предприятиеләре һәм оешмаларының хезмәт коллективлары белән дә очраша.

Камил Гилманов беренче очрашуын икътисад мәсьәләләре буенча башкарма комитет урынбасары Рәис Галиев белән бергә район үзәк хастаханәсе табиблары һәм медицина хезмәткәрләре белән үткәрде. Хастаханә хезмәткәрләре белән очрашуда район башлыгы муниципаль берәмлекләр алдында торган бурычлар турында сөйләде. Шулай ук халыкның социаль-икътисади торышын яхшырту буенча чаралар һәм ЦРБ хезмәткәрләре тарафыннан күрсәтелгән медицина хезмәтләрен яхшырту турында да сөйләде. Рәис Галиев район үзәк хастаханәсенең икътисад һәм эш торышы турында җиткерде. Район хастаханәсе баш табибы Марат Йосыпов җыелучылар алдында ел дәвамында башкарылган эшләр турындагы отчет белән чыгыш ясады.