Этләр күргәзмәсе

Район үзәгендә үткән ау этләре күргәзмәсе аңа кызыксынуның ни дәрәҗәдә югары булуын күрсәтте.

Исәп буенча ул унынчы. Анда катнашу өчен республиканың Кама аръягы зонасыннан алты районнан һәм хәтта Башкортостаннан да эт хуҗалары килгәннәр иде.
Экспертлар Казаннан Борис Исаев, Яр Чаллыдан Виктор Андриянов һәм баш эксперт Анатолий Лунев ау этләре экстерьерына бәя биреп, күргәзмәне оештыручылар адресына мактау сүзләре әйттеләр.
Илледән артык лайка һәм эзәрлекләүче эт арасында аксубайлылар Иван Шугаевның - "Бен", Василий Гавриловның - "Шуйтан", Олег Жуковның - "Дулай", Игорь Шугаевның "Тарас" атлы этләре экспертлар тарафыннан югары бәя алдылар.