Аксубаево
  • Рус Тат
  • Легендар кеше

    Зөлкәрнәй Галимҗанов – Карасу төбәгенең хөрмәтле кешесе.

    Ул бары тик бүген Карасу авылындагы вакыйгаларны һәм җәмәгать эшләрен өеннән генә күзәтеп тора. Ә кайчандыр ул үзе дә иҗат итүчеләр сафында булган. Безнең район газетасы бу хакта бер генә тапкыр язмады – Зөлкәрнәй Галимҗанов үзенең ГАЗ-53 машинасында һәрвакыт «МЮД» совхозы производствосы алдынгылары арасында була.

    «Коммунистик хезмәт ударнигы» исеменә ул дүрт тапкыр лаек булган. 1981 елда Зөлкәрнәй Галимҗан улы районның Иң яхшы йөртүчесе дип таныла, аның исеме район Мактау тактасына кертелә. 1984 елда, социалистик ярыш нәтиҗәләре буенча, аңа ТАССР Авыл хуҗалыгы министрлыгының Мактау грамотасы тапшырыла. Ул «Хезмәт ветераны» медале белән бүләкләнгән.

    Зөлкәрнәй Галимҗан улын 90 яшьлек юбилее белән котларга килгән район башлыгы Камил Гилманов хезмәтчәннең данлы хезмәт юллары турында искә төшерде.

    – Сезнең район һәм «МЮД» совхозы файдасына куйган хезмәтегез – кече ватанга, туган төбәккә хезмәт итү, эш сөючәнлек һәм фидакарьлек үрнәге, – дип билгеләп үтте Камил Гилманов.

    Аксакалның хезмәт казанышларын санап бетерерлек түгел. Ул чәчүдә дә, урып-җыю өстендә дә аерылып тора, малларга азык, совхоз басуларына ашлама ташып, терлекчеләрнең һәм аграрчыларның өзлексез эшен тәэмин итә.

    – Яшь иде, ару-талуны белмәде, бераз ял итим дип ята гына, ишеккә шакыйлар – кемдер авырып киткән яисә кемнедер бала тудыру йортына илтергә кирәк – озак еллар дәвамында совхозда бер генә машина булды. Зөлкәрнәй беркайчан да, беркем гозерен дә кире какмады, хәтта юлда бала таптырырга да туры килде аңа, – дип сөйли юбилярның тормыш иптәше Сәгыйдә Сибгат кызы.

    – Эшләдек тә, эшләдек, ул вакытта ирешелгән уңышлар турында да, бүләкләр турында да уйламадык. Совхоз, җитештерү күрсәткечләре өчен җан аттык, – дип фикерләре белән уртаклашты Зөлкәрнәй Галимҗан улы.

    Галимҗановлар хезмәттә һәм кешеләргә карата хөрмәт белән дүрт бала тәрбияләп үстергәннәр. Сүз уңаеннан, быел ир белән хатын бергә яшәүләренең 65 еллыгын билгеләп үткәннәр.

    Фәнил, нефть компаниясе белгече, әтисе кебек үк, күп тапкырлар хезмәт бүләкләренә лаек булган. Фәнис «Амальстро плюс» ҖЧҖ белгече, хәрби хезмәтне кайнар ноктада узган,. Фәнилә һәм Сәвилә медицина хезмәткәрләре.

    Галимҗановлар балаларында кече ватанга мәхәббәтне ана сөте белән тәрбияләгәннәр. Алар үзләренең туган авыллары Карасуга ярдәм итәргә тырышалар – бакча артында ук авыл буасын чистартып, төзекләндергәннәр. Фәнис авылда үткәрелә торган барлык чараларның иганәчесе булып тора.

    – Туган нигездән, әти-әниеңнән һәм син үскән җирдән дә мөһимрәк һәм кадерлерәк нәрсә юк, – дип саныйлар Галимҗановлар гаиләсендә.

    Шуңа күрә аларның йортында һәрчак күңелле – балалар, оныкларның шат авазлары тынып тормый, бәйрәмнәрне бергә билгеләп үтәләр, ялларда бергә җыелалар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: