Самбочылар ПФО уеннарына чыгалар

Аксубай спортчылары Татарстанны Идел буе федераль округында тәкъдим итәчәкләр.

Ноябрь уртасында Казан шәһәрендәге "Батыр" спорт комплексында 1996-1998 елларда туган егетләр һәм кызлар арасында самбо буенча республика Беренчелеге булып үтте. Анда тренер Александр Скворцов укучылары Александр Крайнов аерылып торды, ул 56 килограмм авырлык категориясендә җиңүче булды, Юрий Мартынов, Евгений Ласточкин һәм Дмитрий Крюков-икенче урында, Диләрә Латыйпова һәм Валерий Сулбаев-бронза призерлар. Евгений Ласточкин һәм Александр Крайновның көрәшүе судьяларга аеруча ошады, хәзер алар Татарстан данын ПФО ярышларында яклаячаклар. Самбочылар тренеры Аксубай техникумы Фәрхат Аюповка балаларны республика ярышларына алып бару мөмкинлеген биргәне өчен рәхмәтен белдерә.